Historiaurrean lizentziatu zen Kantabriako Unibertsitatean 1989an, eta ikerketako hiru kolektibo independentetako kide izan zen: AGIRI Arkeologia Elkartea (Gernika), Estratigrafia Analitikoaren Zirkulua (Gasteiz) eta Euskal Herriko Kultur Bilakaerarako Elkartea (Gasteiz). Duela 25 urtetik, arkeologo profesional autonomo gisa lan egiten dut, batez ere Historiaurreko Arkeologiaren arloan.

Nabarmentzekoa da Estratigrafia Arkeologikoari eskaini diodan lana. Proiektu adierazgarriena Santimamiñeko haitzuloa berrikusi eta induskatzeko programa da, 2004 eta 2014 artean zuzendu nuena.

Gaur egun, nire ikergai nagusia Oraintsuko Historiaurreko hilobi-adierazpenak dira, batez ere Megalitismoa, eta Katillotxu, Mendigana-Larreder, Usengatzu, Oiz eta Armañongo nekropoli megalitikoen indusketa eta azterketak zuzendu ditut. Urdaibaiko Biosfera Erreserbako Historiaurreko Kultura Ondarearen eta Gorbeia eta Armañongo Parke Naturalen inbentarioen egilea naiz. Illunzar (AGIRI) eta Krei (Círculo de Estratigrafía Analítica) aldizkarien editore-koordinatzailea izan naiz. 2005 eta 2019 urteen artean, Mendebaldeko Saharako lurralde liberatuetako arkeologia- eta kultura-proiektu batean parte hartu nuen, Andoni Sáenz de Buruaga Blázquez jaunaren zuzendaritzapean.